Март 28-те Шагаан-Арыг хоорайга республика чергелиг «Башкывыска мөгейиг» деп эртем-практиктиг конференция болуп эрткен. Ук конференцияны Тывада билдингир, идепкейжи, дээди категорияның тыва дыл башкызы, «Бичелдей номчулгалары» деп республика конференциязының эрттирикчизи М.Ф.Бавунуң чырык адынга тураскаадып эрттирген. Бистиң школавыстан 8 г класстың өөреникчизи Төре Сайзанак «Амгы тыва шүлүк чогаалында башкы кижиниң овур-хевири» деп ажылы-биле чогаал секциязынга 1-ги черни алган. 9 б класстың өөреникчизи Хертек Өлчей «Хоочун башкы Тараа Салчаковна Оссурнуң чогаадыкчы ажыл-ижи» деп ажылы-биле башкылар ажыл-ижи чырыткан секцияга 2-ги черни алган. 5 а класстың өөреникчизи Хертек Дугар Улуг-Хемниң бойдус чурумалын чуруур мөөрейге киришкен. Тыва дыл башкызы Ондар Ангелина Борисовна «Амгы тыва чогаал кичээлдеринде ажыглаар чаа технологиялар, аргалар» деп илеткелди башкыларга номчаан.